1Ch 20 | ZomZIV | STEP | Khuakhal hun, galsim dingin kumpite a kuan hunin Joab in galhiam tawi galkapte a kuankhiatpih hi. Ammon-te gam gamval suaksak a, Rabbah ah pai-in a umcih hi, ahi hangin Jerusalem ah David a om lai hi. Joab in Rabbah sima, a siasa in a nusia hi.

1 Chronicles 20

Rabbah Lakna

1 Khuakhal hun, galsim dingin kumpite a kuan hunin Joab in galhiam tawi galkapte a kuankhiatpih hi. Ammon-te gam gamval suaksak a, Rabbah ah pai-in a umcih hi, ahi hangin Jerusalem ah David a om lai hi. Joab in Rabbah sima, a siasa in a nusia hi. 2 David in amaute kumpipa lutang panin a kumpi ^{▼▼20.2 Ahikeh Milcom panin tua pen Molech} lukhu laksaka - tua in kham talent ^{▼▼20.2 Tua in, pound 75 bang (kilogram 34 bang)} khat khai-a, suang manpha tawh kizemin - David lutungah a kikhusak hi. Amah in khuapi panin van kinusia tampitak la a, 3 tuateh tua lai-a om mite paikhiatpihin sing-at, tuzum le heite tawh nasem dingin a koih hi. David in Ammon-te khuapi khempeuh ah a hicih hi. Tua ciangin David le a galkap buppi Jerusalem ah a ciah uh hi. ^c

Philistia-te tawh Kidona

4 Hih hun khit ciangin Gezer ah Philistia-te tawh kidona khat a om hi. Tua hunin Hushath-te Sibbecai in Rephai-te suankhat Sippai that a, Philistia-te a kizogawp hi.

5 Philistia-te tawh kidona dang khatah Jair tapa Elhanan in a teipi kung siam lawngpi a bang Git-te Goliath sanggampa Lahmi a that hi.

6 Gath a galdona dang khat lai-ah mi gol mahmah khat a khut langkhatah khutme guk tuak nei-a a khe langkhat ah kheme guk tuak nei in - a vekpi in sawm nih le li ahi hi. Amah zong Rapha suante mah ahi hi. 7 Amah in Israel a phin ciangin David sanggampa Shimea tapa Jonathan in amah a that hi.

8 Hihte Gath a Rapha suante hi uh a, amaute David le a mite khutin a puk uh hi.